આજે આસો અજવારી એ ,શરદની પૂનમ
અમૃત વરસાવવાવારી એ ,શરદની પૂનમ
આજે ચંદ્રકળા દીસે ,અદભુત સુંદર
નિરખી પાવે અભયવર ,એ શરદની પૂનમ
શરદે અમૃત સ્વાતિનાં બુંદ જ વરસે
એને ચાતકો પીશે ,એ શરદની પૂનમ
જુઓ એક જ બુંદ જુદે-જુદે સ્થળે વરસે
મોતી છીપમાં થાશે ,એ શરદની પૂનમ
પાકે કેળમાં કપૂર ,ભૂમિ કાદવ થાશે
સર્પમુખમાં ઝેર થાશે ,એ શરદની પૂનમ
જેવું પાત્ર તેવું બુંદ બદલાઈ જાશે
અન્ન્માં અમીરસ વરસે ,એ શરદની પૂનમ
શરદ રાધા ને ચંદ્ર એ કૃષ્ણ કનૈયો
નિરખો નંદ દુલારો ,એ શરદની પૂનમ
નિરખો બંસી બજૈયો ,નટવર નાગર
બહેચર જાય છે ડાકોર ,એ શરદની પૂનમ
-શ્રી બહેચરરામ શર્મા
ટિપ્પણીઓ નથી:
ટિપ્પણી પોસ્ટ કરો